Hammersmith eta Fulham

Hammersmith eta Fulham (ingelesez: London Borough of Hammersmith and Fulham) Londresko udalerrietako (borough) bat da. 2015eko erroldaren arabera 179.400 zituen 16,4 kilometro koadroko azaleran.

Hammersmith eta Fulham
Londresen banaketa administratiboa
Administrazioa
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Alkatea	Stephen Cowan (en)
Posta kodea	NW, W, SW eta W6 9JU
Geografia
Koordenatuak	51°29′33″N 0°14′05″W
Azalera	16.3976 km²
Demografia
Biztanleria	185.426 (2018) 0 (2018)
Dentsitatea	11.308,12 bizt/km²
Informazio gehigarria
Sorrera	1965eko apirilaren 1a
Ordu eremua	UTC±00:00 eta UTC+01:00
Hiri senidetuak	Neukölln, Boulogne-Billancourt eta Anderlecht
lbhf.gov.uk

Nazioarteko enpresa askok egoitza dute udalerri hontan.

Historia

Neolito garaiko aztarnak aurkitu dira indusketatan eta erromatarren garaiko asentamendu bat ere aurkitu da. Aspaldian interes handia dago Fulhamen aintzinako historia berreskuratzeko.

Aurreneko aipamenetan Fulanhamme izena agertzen da. 1154ko agiri batean agertzen da lehenengo eliza eta 1242an parrokia dela aipatzen da. Garai beretsukoa da Londresko apezpikuen egoitza izandako Fulham jauregia. XV mendean errotak ezarri ziren ibaiertzean, industriari hasiera emanez. Hurrengo urteetan papergintza eta garagardogintza nagusitu ziren Fulhamen.

1729an Fulham zubia eraiki zen Tamesis ibaia gurutzatzeko eta 1886an Putney zubiak ordezkatu zuen. XVIII mendean Londresko aberatsentzako dibertimentu auzoa bihurtu zen putetxeak eta garagardotegiak ireki zirenean. XIX mendean trenbideak Londresko gainerako udalerriekin lotu zuen.

1900 urtean Fulham udalerria eratu zen eta 1965ean iparralderago dagoen Hammersmith udalerriarekin egin zuen bat. 1960 urtean BBC telebista katean bertan ezarri zuen egoitza nagusia.

Auzoak

Udalerria osatzen duten auzoak honakoak dira:

Fulham Hammersmith Baron's Court Hurlingham Old Oak Common Parsons Green

Sands End Shepherd's Bush Walham Green West Kensington White City

Kirolak

Udalerri txikia bada ere hiru futbol talde nagusiren egoitza dago bertan, Chelsea, Fulham eta Queens Park Rangers. Bertan ere badago White City Estadioa, 1908ko Londresko Olinpiar Jokoak ospatzeko eraiki zena.

Oxford-Cambridge estropadaren lehenengo zatia udalerriaren barnean jokatzen da, Tamesis ibaian.

Ondasun nabarmenak

• 
  Fulham jauregia.
• 
  All Saints Church.
• 
  Udaletxea.
• 
  Hammersmith zubia.
• 
  Battersea zubia.
• 
  Hammersmith Apollo.
• 
  BBC-ren egoitza nagusia.
• 
  Stamford Bridge (Chelsea FC).
• 
  Craven Cottage (Fulham FC).
• 
  White City Estadioa.

Kanpo estekak

• (Ingelesez) Hammersmith barrutiko kontseiluaren webgunea.

• Datuak: Q40478
• Multimedia: London Borough of Hammersmith and Fulham / Q40478