Grigori Rasputin
Grigori Jefimovitx Rasputin (errusieraz Григо́рий Ефи́мович Распу́тин) (1869ko urtarrilaren 21agreg./urtarrilaren 9ajul., Pokrovskoie, Siberia – 1916ko abenduaren 30agreg./abenduaren 17ajul., San Petersburgo) Romanov dinastiaren azken egunetan eragin handia izan zuen errusiar mistiko bat izan zen. Mundu osoan Rasputin deituraz ezaguna da: haren etsai eta aurkariek Fraide Eroa ezizenaz deitu zuten.
| Grigori Rasputin | |
|---|---|
 (1916) | |
| Bizitza | |
| Jaiotza | Pokrovskoie, 1869ko urtarrilaren 9a (juliotar egutegia) |
| Herrialdea |  Errusiar Inperioa |
| Heriotza | San Petersburgo, 1916ko abenduaren 17a (juliotar egutegia) (47 urte) |
| Heriotza modua | giza hilketa: itotzea bala zauria |
| Familia | |
| Ezkontidea(k) | Praskovia Fiodorovna Dubrovina |
| Seme-alabak | ikusi
|
| Hezkuntza | |
| Hizkuntzak | errusiera ingelesa |
| Jarduerak | |
| Jarduerak | mistikoa, okultista, politikaria, nekazaria eta monjea |
| Sinesmenak eta ideologia | |
| Erlijioa | Khlysts (en)  |
   | |
Fraidea zen eta taumaturgo ospetsua. Nikolas II.a tsarraren emazte Alexandra Feodorovnaren konfiantzazko gizona izan zen 1905etik aurrera. Nikolas II.ak, erabat Alexandra Feodorovnaren mende baitzegoen, itsu-itsuan jarraitu zien Rasputinen aholkuei, bi senar-emazteek uste baitzuten hemofiliak jota zegoen tsarraren seme Alexis sendatu zuela (antza, hipnosiaren bidez).
Enperadorea gizartetik bakartzea lortu zuen Rasputinek, baina une latzak bizi zituen Errusiak Lehen Mundu Gerraren hasieran, eta gauzak erabat nahasi ziren Rasputinek 1916an Stürmer hautagaia jarri zuenean kontseiluko lehendakari. Aginpide maila handiko pertsonek gogor kritikatu zuten erabakia, baina Nikolas II.ak ez zion uko egin Rasputinen laguntzari. Jusupov printzeak, Dmitri dukeak eta Purixkievitx diputatu eskuindarrak Rasputin hil zuten.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Wikimedia Commonsen badira fitxategi gehiago, gai hau dutenak: Grigori Rasputin  |
- (Errusieraz) Rasputini buruzko argazkiak
- (Ingelesez) Rasputini buruzko erreportajea[Betiko hautsitako esteka]
