Gorputz-masaren indize

Gorputz-masaren indizea (GMI), Quetelet-en indizea izenez ere ezaguna, pertsona batek bere altueraren arabera zein masa eduki beharko lukeen osasuntsu egoteko kalkulatzeko erabiltzen da. 1830 eta 1850 urteen artean, Adolphe Quételet estatistikari, matematikari, fisikari eta astronomo belgiarrak garatu zuen, baina 1980. urtera arte ez zen erabilia izan.

GMIa hurrengo eragiketa egitean lortzen da: masa kilogramotan zati altuera ber bi metrotan. Lortutako emaitzarekin taula batera jotzen da eta han begiratzen da zer nolako gorpuzkera duzun.

Halere, indizeak ez dira unibertsalak, hau da, ez dute balio edozein pertsonarako. Kontutan hartu behar da pertsonaren adina. Horrexegatik, adinaren arabera, osasuntsu egoteko GMIa aldatuz doa.

Sistemaren eraginkortasuna aldatu

GMIak pertsonak estatistikoki sailkatzen ditu, eta ez da guztiz eraginkorra, beste faktore batzuek hartan eragin dezaketelako hala nola hezur- eta gihar-masek.

Dena den, hau da GMIren araberako sailkapena:

< 18,5 behar baino pisu txikiagoa edo desnutrizioa
18,5 - 24,9 normala
25,0 - 29,9 behar baino pisu handiagoa
30,0 - 34,9 obesitate arina
35 - 39,9 obesitate ertaina
> 40,0 obesitate larria edo morbidoa

Ikus, gainera aldatu

Kanpo estekak aldatu