Gloria Alcahud

Gloria Alcahud (Valladolid, 1931ko abenduaren 2a) margolaria da.

Gloria Alcahud
Bizitza
Jaiotza	Valladolid, 1931ko abenduaren 2a
Herrialdea	Espainia
Heriotza	Leon, 2024ko apirilaren 5a (92 urte)
Hezkuntza
Heziketa	Círculo de Bellas Artes Arte Ederren Goi Eskola Nazionala
Jarduerak
Jarduerak	margolaria

Biografia

Valladoliden jaio zen arren, Leonen hazi zen, eta hantxe hasi zituen 1938an Demetrio Monteserinekin marrazketa eta pintura ikasketak. 1950eko hamarkadan, Madrilera bidaiatu zuen eta Círculo de Bellas Artesen ikasi zuen libreki, aldi berean Eduardo Peñaren estudio pribatuan, 10 urtez. Handik bere lehen estudiora joan zen Amalia Avía eta Esperanza Paradarekin batera.

Margolari ibilbidea

Bere lehenengo banakako erakusketa 1964an egin zuen, Madrilgo Ateneoak bultzatuta, Espainiako jaien Kultur Kanpainaren barruan. Gero Erromara bidaiatu zuen 1965ean. Banakako zein taldekako erakusketak egiten jarraitu zuen; 1965ean Madrilgo Grin-Gho galerian, 1966an Donostiako Udaletxean eta Sevillako Pasarela aretoan. 1968an, Madrilgo Neblí galerian egin zuen erakusketa eta Galeriaren urteko erakusketa onenaren saria irabazi zuen. 1969an Banco Industrial de León saria irabazi zuen.

1969an Parisera joan zen, eta urtebetez lan egin eta ikasi zuen, libreki, Arte Ederren Eskolan, interesatzen zitzaizkion klaseetara joanez. 1970ean Amsterdamera joan zen, Juan March Fundazioaren beka bati esker, eta urtebetez finkatu zen. Bertan erakusketa bat egin zuen Jurka galerian.

1971n Espainiara itzuli zenean, erakusketekin jarraitu zuen. Urte hartan bere lanetako bat Madrilgo Arte Garaikideko Museoak eskuratu zuen.

Sariak eta ohoreak

• 1968: Nebli saria.
• 1987: Lehen Bacardi saria.
• 1987: Banco Industrial de León saria.

Kanpo estekak

• Datuak: Q106245643