Giovanni Battista Langetti
Giovanni Battista Langetti, baita ere Giambattista Langetti (Genova, 1635 – Venezia, 1676ko urriaren 22) barroko berantiarraren margolari italiarra izan zen. Genovan, Erroman eta, batez ere, Venezian lan egin zuen. Biolentzia haien margoen ezaugarria da.[1][2]
| Giovanni Battista Langetti | |
|---|---|
 | |
| Bizitza | |
| Jaiotza | Genova, 1625 |
| Herrialdea |  Veneziako Errepublika |
| Heriotza | Venezia, 1676ko urriaren 22a (50/51 urte) |
| Jarduerak | |
| Jarduerak | margolaria |
| Lantokia(k) | Venezia |
| Genero artistikoa | erretratua |
Biografia aldatu
Genovan jaioa han Gioacchino Assereto artistarekin ikasi zuen. Ondoren, Erroman, Pietro da Cortonarekin. 1650. hamarkadan Napolitik pasa omen zen; han José de Ribera, Francesco Fracanzano eta Luca Giordanoren obra ezagutuko zuen. Riberaren eragina zenbait lanetan nabaria da, esaterako San Jeronimoren bisioa (Clevelandeko Arte-museoa). 1656an izurritea Napolin jo zuen eta Langetti, ziur aski Luca Giordanoren aholkua jarraituz, Venezian babestu zen. Venezian Genovako Giovanni Francesco Cassana, bigarren mailako margolariarekin, haren ikasketak burutu zituen.
Bi hamarkadetan Venezian Langettik margolan asko egin zituen. Haren estiloa Caravaggioren tenebrismotik gertu zegoen. Lan ilunak eta biolentoak ziren. 120 daude katalogatuta baina gehiago ari dira aurkitzen. Venezian Johann Karl Loth eta Antonio Zanchi margolarien eragina ezagutu zuen.[3]
Obra ezagunena aldatu
Bere lan gehienak gorputz erdiko irudiak dira, gehienak biluztuak. Bezeroak Veneto eta Lombardiako aberatsak zire. Hauek dira margolan ezagun batzuk:
- Katonen buruaz bestea (Sao Paulo, bilduma pribatua)
- Ixionen tortura (Puerto Rico, Ponce Arte Museoa)
- Maria Magdalena gurutzearen oinean (Santa Teresa, Venezia)[4]
Iruditegia aldatu
-
Ixionen tortura. -
San Jeronimoren bisioa. -
Arkimedes. -
Sanson edaten. -
Tizio.
.jpeg)
_Samson_by_Giovanni_Battista_Langetti_-_Gallerie_Accademia.jpg)
Erreferentziak aldatu
- ↑ http://www.artcyclopedia.com/artists/langetti_giovan_battista.html
- ↑ https://www.europeana.eu/portal/es/explore/people/91670-giovan-battista-langetti.html
- ↑ Bryan, Michael: Dictionary of Painters and Engravers, Biographical and Critical - II. liburuki (ed. George Bell and Sons, 2007).
- ↑ https://www.wga.hu/frames-e.html?/html/l/langetti/index.html
Kanpo loturak aldatu
- (Italieraz):Langettiren biografia.
Wikimedia Commonsen badira fitxategi gehiago, gai hau dutenak: Giovanni Battista Langetti  |
Datuak: Q1525882
Multimedia: Giovan Battista Langetti / Q1525882
