Gard
Gard[1] (ɡaʁ ahoskatua) Okzitania eskualdeko departamendua da. Prefetura Nîmes hirian dago.
| Gard (30) | |
|---|---|
| Frantziako departamendua | |
 | |
| Administrazioa | |
| Estatua |  Frantzia |
| Eskualdea | Okzitania |
| Prefetura | Nîmes |
| Prefeta | Jean Denat (PS) |
| Azpiprefeturak | Alès Le Vigan |
| Barrutiak | 3 |
| Kantonamenduak | 46 |
| Udalerriak | 353 |
| Kokapena | |
| Koordenatuak | 44°07′41″N 4°04′54″E / 44.1281°N 4.0817°E |
 | |
| Azalera | 5.853 km² |
| Demografia | |
| Biztanleria | 756543 |
| Dentsitatea | 129.257,30394669 bizt/km² |
| Kontseilu Orokorraren webgunea | |
Geografia aldatu
Rodanoren Ahoak, Ardèche, Vaucluse, Hérault eta Lozère departamenduak mugakideak ditu. Rodano, Gardon (edo Gard), Vidourle, Cèze, Vis, Hérault eta Ardèche ibaiek departamendua zeharkatzen dute. Étang du Roi bertoko aintzirarik handiena da.
Gardeko mendirik altuena Mont Aigoual (1.567 m.) da, D269 errepideak ia bere tontorretik igarotzen duena. Handik Mediterraneoko kostalderaino orografia beherantz doa. Montagne du Lingas (1.445 eta 1.410 m.), Montagne d'Aulas (1.417 m.) eta Saint-Guiral (1.366 m.) mendiak ere bertan daude. Azken urteotan uholde handik izan ditu eta, bere kokapen geografiko dela eta, Frantziako tenperaturarik beroenak izan ditu.[2]
Historia aldatu
Erromatarren garaian, k.a. 118an eraikitako Via Domitiak eskualdea zeharkatzen zuen. Gard departamendua Frantziako Iraultzaren garaian sortu zen, 1790eko martxoak 4an, 1789ko abenduak 22ko legea aplikatuz, Languedoceko antzinako probintziaren zati batetik aurrera. Hasieran Ganges departamenduaren zati bat izango zela pentsatu zuten baina azkenean Héraulten barnean amaitu zen. Trukean, Gardek Héraultetik Aigues Mortes portua lortu zuen, Liongo golkorako sarrera bat izanik.
XIX. mendearen erdialdean prefetura, lehen jada ehungintza-hiria zena, trenbidearen iritsierari esker asko handitu zen. Honek ardogintza ere bultzatu zuen baina 1872an filoxerak hainbat ekoizle suntsitu zituen.
Demografia aldatu
| 1801 | 1831 | 1841 | 1851 | 1856 | 1861 | 1866 |
|---|---|---|---|---|---|---|
| 300.144 | 357.283 | 376.062 | 408.163 | 419.697 | 422.107 | 429.747 |
| 1872 | 1876 | 1881 | 1886 | 1891 | 1896 | 1901 |
| 420.131 | 423.804 | 415.629 | 417.099 | 419.388 | 416.036 | 420.836 |
| 1906 | 1911 | 1921 | 1926 | 1931 | 1936 | 1946 |
| 421.166 | 413.458 | 396.169 | 402.601 | 406.815 | 395.299 | 380.837 |
| 1954 | 1962 | 1968 | 1975 | 1982 | 1990 | 1999 |
| 396.742 | 435.107 | 478.544 | 494.575 | 530.478 | 585.049 | 623.125 |
2012, Gardek 694.323 biztanle zituen horietatik 10.000 biztanle baino gehiago zituzten 8 udalerritan bizi ziren:
| Udalerria | Biztanleria |
|---|---|
| Nîmes | 146 709 |
| Alès | 41 031 |
| Bagnols-sur-Cèze | 18 375 |
| Beaucaire | 15 860 |
| Saint-Gilles | 13 646 |
| Villeneuve-lès-Avignon | 12 232 |
| Vauvert | 11 261 |
| Pont-Saint-Esprit | 10 651 |
Turismo aldatu
Cévennesko parke nazionalaren zati bat departamenduan dago. Nîmesek erromatar hondar ospetsuak ditu, baita Pont du Gard akueduktua ere.
Garden ere Perrier ur ospetsua ekoizten dute. Iturburua Vergèze udalerriko hego-ekialdean dago.
Erreferentziak aldatu
- ↑ 36. araua. Euskaltzaindia (Noiz kontsultatua: 2010-9-24).
- ↑ (Ingelesez) Kottasová, Ivana. (2019/06/28). «France endures its hottest day ever as Europe swelters in heat wave» CNN.
Kanpo estekak aldatu
