Euridize
Euridize[1], (grezieraz Ευρυδίκη) greziar mitologian, Traziako ninfa auloniade bat zen. Egun batean, Orfeok ezagutu eta elkar maitemindu ziren. Euridize eta Orfeoren arteko ezkontza egunean, Aristeo neska bahitzen saiatzen da, Orfeoren arerioa zen artzain bat. Euridizek ihes egiten du, baina, korrikan doala, oharkabean, sugegorri bat zapaltzen du, eta honek, oinean horzka egiten dio, Euridize hilez.
| Euridize | |
|---|---|
| Greziar mitologia | |
 | |
| Ezaugarriak | |
| Sexua | emakumezkoa |
| Familia | |
| Ezkontidea(k) | Orfeo |
Orfeok, desesperaturik, Hadesera jaistea erabakitzen du, bere maitearen bila. Iristerakoan, Karonteri, bere txalupan, Estigia aintziraren beste aldera eramateko eskatzen dio, baina Karontek, ezezkoa ematen dio. Orfeo, bere lira jotzen hasten da, txaluparia liluratuz, nork, azkenean, beste ertzera eramatea onartzen duen. Modu berean konbentzitzen du Hadeseko zaindaria den Zerbero zakurra, ateak ireki diezazkion. Jada Hades jainkoaren aurrean, honi, bere maiteagatik erregutzen dio, eta honek ere, Orfeoren lirak liluraturik, onartu egiten du, baina baldintza batekin: Orfeok ez du Euridizeren aurpegia ikusi behar Infernutik irten arte.
Orfeok Hades osoa zeharkatzen du bere irteera bidaian, baina, azken atera iristear zegoela, bere egonezina baretu ezinik, bere burua biratzen du, Euridizeren aurpegia ikusteko. Une horretan, Orfeok Euridize betirako galtzen du, eta berriz itzal bihurtua da neska, Orfeo, infernutik kanporatua den bitartean, betirako, bere maiteagandik banandua geratuz.
Orfeo eta Euridizeren istorioa, zenbait operen argumentua da, Jacopo Perik 1600ean idatzitako Euridize, Claudio Monteverdik 1609an idatzitako Orfeo eta Christophe Willibald Gluckek 1762an idatzitako Orfeo eta Euridize operena horien artean.
Izen bereko beste pertsonaia batzuk aldatu
- Euridize, Iloren emaztearen eta Laomedonteren amaren izena ere bazen, biak Troiako erregeak.
- Euridize, Tebaseko errege zen Kreonteren emaztearen izena ere bazen. Bere seme Hemonek bere buruaz beste egin zuela jakin zuenean, bere buruaz beste egin zuen.
- Iturri batzuek, Euridize izena, Eneasen emazteari ere ematen diote
- Euridize, iturri batzuek, Nestorren emazteari ematen dioten izena ere bada.
- Euridize, Athenaren zalduna den Lira konstelazioko Orfeoren maitea ere bada Saint Seiya edo Zodiakoko Zaldunak izeneko animean.
