Eugen Jochum
Eugen Jochum (Babenhausen, Bavaria, 1902ko azaroaren 1a - Munich, 1987ko martxoaren 26a) alemaniar orkestra-zuzendaria izan zen.
| Eugen Jochum | |
|---|---|
.jpg) (1961) | |
| Bizitza | |
| Jaiotza | Babenhausen, 1902ko azaroaren 1a |
| Herrialdea |  Alemania |
| Lehen hizkuntza | alemana |
| Heriotza | Munich, 1987ko martxoaren 26a (84 urte) |
| Hobiratze lekua | Friedhof Nymphenburg (en)  |
| Familia | |
| Aita | Ludwig Jochum |
| Ezkontidea(k) | Maria Jochum (en) |
| Seme-alabak | ikusi
|
| Anai-arrebak | ikusi
|
| Hezkuntza | |
| Heziketa | Leopold Mozart Centre (en) : organo, piano Hochschule für Musik und Theater München (en) (1922 - 1925) : music composition (en) , orkestra zuzendaritza |
| Hizkuntzak | alemana |
| Irakaslea(k) | Siegmund von Hausegger (en) Hermann Wolfgang von Waltershausen (en) |
| Jarduerak | |
| Jarduerak | orkestra zuzendaria eta kapera-maisua |
| Enplegatzailea(k) | Bayerischer Rundfunk (en) (1949 - 1960) |
| Jasotako sariak | |
| Kidetza | Bavariako Arte Ederren Akademka |
| Genero artistikoa | musika klasikoa |
| Musika instrumentua | organoa pianoa |
| Diskoetxea | Deutsche Grammophon (en) |
| Sinesmenak eta ideologia | |
| Erlijioa | Erromatar Eliza Katolikoa |
         | |
Tradizio posterromantikoko azken alemaniar zuzendari handia zen. Pianoa eta organoa jotzen ikasi ondoren, orkestra-zuzendaritza ikasi zuen. 1927tik 1929ra bitartean, Kieleko Operako orkestra-zuzendari izan zen. Han eman zuen, 1926an, bere lehen kontzertua, Brucknerren Zazpigarren Sinfoniarekin, Municheko Orkestra Filarmonikoa zuzenduz. 1932an Berlineko Irratiko musika-zuzendari izendatu zuten. Naziak indarra hartzen hasi zirenean, Berlinetik alde egin zuen. Hanburgon musika-zuzendari nagusi izan zen, Karl Böhmen ondoren, 1934tik 1949ra bitartean. 1949an Munichera dei egin zioten, Bavariar Irratiko Orkestra Sinfonikoa sortzeko. 1960 arte izan zen orkestra haren zuzendari, eta Alemaniako orkestra onenetakoa izan zen bere garaian. 1961etik 1964ra bitartean, Amsterdameko Concertgebouwko Orkestraren zuzendari izan zen, Bernard Haitinkekin batera. Eta azkenik, 1975etik 1978ra bitartean, Londresko Orkestra Sinfonikoaren zuzendari. Veronica Jochum (1932) piano-jotzaile ezagunaren aita da. Alemaniar errepertorio erromantikoa izan zen bere espezialitatea, eta disko asko grabatu zituen, lehena, 1932an: Mozarten pianorako kontzertu bat, Edwin Fisherrekin. Besteak beste, Beethovenen eta Brucknerren sinfonia osoak grabatu zituen, 1960ko hamarkadan eta 1970ekoan. Gaur egungo musikari dagokionez, Karl Amadeus Hartmannek berari dedikatu zion 6. Sinfonia (1953) eta Gottfried von Einemen Tanz Rondo (1959) grabatu zituen. Bera izan zen, gainera, Carl Orffen triptiko famatua (Carmina Burana, Catulli Carmina eta Afroditaren garaipena) diskoan grabatu zituen lehena.
Erreferentziak aldatu
Wikimedia Commonsen badira fitxategi gehiago, gai hau dutenak: Eugen Jochum  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q57419
Multimedia: Eugen Jochum / Q57419
