Estroboskopio
Abiadura handiz higitzen ari den objektu bat, tarteka eta erregularki argiztatuz, geldirik egongo balitz bezala edo oso poliki biratuko balitz bezala ikustea ahalbidetzen duen tresna.
Estroboskopioa jiratzen edo mugitzen ari den gauzaki bat tarteka argitzen dituen tresna da, gauzaki horren mugimendua, biraketa-abiadura edo dardaren maiztasuna aztertzeko balio duena. Azkar mugitzen ari den makina bat edo makina baten atal bat, adibidez, poliki mugitzen ari delako edo gelditu egin delako itxuran ikus daiteke, argitze motz eta distiratsuak eginez, mugitzen ari den zatia beti leku berean argituz gero. Argazkigintzan oso erabilgarria da laster mugitzen ari diren gauzakien argazkiak egiteko.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Datuak: Q178873
Multimedia: Stroboscopes / Q178873
