Es'kia Mphahlele
Es'kia Mphahlele (Marabastad, Pretoria, 1919ko abenduaren 17a - Lebowakgomo, Limpopo, 2008ko urriaren 27a) hegoafrikar idazlea izan zen.
| Es'kia Mphahlele | |
|---|---|
 | |
| Bizitza | |
| Jaiotza | Pretoria, 1919ko abenduaren 17a |
| Herrialdea |  Hegoafrika |
| Heriotza | Lebowakgomo (en)  , 2008ko urriaren 27a (88 urte) |
| Hezkuntza | |
| Heziketa | University of Denver (en) Adams College (en) Hegoafrikako Unibertsitatea St. Martin's School (en) |
| Hizkuntzak | ingelesa |
| Jarduerak | |
| Jarduerak | idazlea, unibertsitateko irakaslea eta kazetaria |
| Enplegatzailea(k) | Massachusetts Institute of Technology University of Ibadan (en) Pennsylvaniako Unibertsitatea |
| Jasotako sariak | |
| Izengoitia(k) | Bruno Esekie |
Bizitza aldatu
Pobrea izaki eta eskolara jarraitasunez ezin joan izan bazen ere, beka bat lortu zuen, eta maisutza ikasi ahal izan zuen posta bidez. Lehenengo liburua Man Must Live (1947, Gizonak bizi behar du) izan zen, apartheidari eta beltzen esperientziari buruzko kontakizuna. Irakasle-lanetan jarraitzea debekatu zioten bantu hezkuntzaren kontra egiteagatik, eta bere sorterria uztea erabaki zuen 1957an. Nigeria, Kenya, Zambia eta Estatu Batuetan bizi izan zen. Azken horretan, Filosofiako doktoregoa lortu zuen, eta Afrikar Ikerketen katedradun izan zen Pennsylvaniako Unibertsitatean. 1977an, Hegoafrikara itzuli zen, eta Witwaterrandeko Unibertsitateko katedradun izendatu zuten. Afrika My Music (1984, Afrika: nire musika) lanean, erbestealdia eta etxerako itzulera azaltzen ditu. The Wanderers (1971, Alderraiak) eta Chirundu (1979) lanak Afrika independente batean girotuak dira, eta Father Come Home (1984, Aita itzuli etxera) lanean, berriz, 1913ko Lurren Legearen ondoriozko espoliazioa azaltzen du. Kontakizunak, poemak eta saiakerak ere idatzi ditu. Pertsonaiak errealismo handiz marrazten ditu, bizirik dirauten pertsonaiak baizik ez dira. Mphahlelek ingelesaren alde egin du, Afrikako hizkuntza bateratzailea izan daitekeela azpimarratuz.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Datuak: Q1372674
Multimedia: Es'kia Mphahlele / Q1372674
 |
Artikulu hau Hegoafrikako biografia baten zirriborroa da. Wikipedia lagun dezakezu edukia osatuz. |