Erwin Rommel

Erwin Johannes Eugen Rommel (Heidenheim an der Brenz, Württemberg, Alemania, 1891ko azaroaren 15a - Herrlingen, Alemania, 1944ko urriaren 14a) alemaniar mariskala izan zen, Bigarren Mundu Gerran Alemaniako armadako zelai-jeneral nabarmenenetako bat. Deutsches Afrika Korps guda taldearen buruan, Basamortuko Azeria (Wüstenfuchs) goitizena jaso zuen Ipar Afrikan egindako kanpaina militar arrakastatsuengatik. Hori dela eta, tropen eta Adolf Hitlerren beraren errespetua ez ezik, Commonwealtheko armada etsaiarena ere lortu zuen.

Erwin Rommel
Irudi gehiago
Bizitza
Jaiotzako izen-deiturak	Johannes Erwin Eugen Rommel
Jaiotza	Heidenheim an der Brenz, 1891ko azaroaren 15a
Herrialdea	Alemaniar Inperioa Weimarko Errepublika Hirugarren Reicha
Heriotza	Herrlingen, 1944ko urriaren 14a (52 urte)
Hobiratze lekua	Herrlingen
Heriotza modua	suizidioa derrigortutako suizidioa: zianuroagatiko intoxikazioa
Familia
Ezkontidea(k)	Lucia Maria Rommel (en)  (1916ko azaroaren 26a -
Seme-alabak	ikusi Manfred Rommel (en)
Hezkuntza
Hizkuntzak	alemana
Jarduerak
Jarduerak	ofizierra eta Erresistentziaren kidea
Jasotako sariak	ikusi Pour le Mérite ordena Military Merit Cross III. Class Knight's Cross of the Iron Cross with Oak Leaves, Swords and Diamonds Friedrich Order Order of Michael the Brave Iron Cross 1st Class Iron Cross 2nd Class Military Merit Order Knight of the Württemberg Military Order of Merit Wound Badge Honour Cross of the World War 1914/1918 Sudetenland Medal Memel Medal Wehrmacht Long Service Award Grand Officer of the Military Order of Savoy Knight of the Colonial Order of the Star of Italy Silver Medal of Military Valour Order of Military Merit (Württemberg) Clasp to the Iron Cross Military Merit Cross
Zerbitzu militarra
Adar militarra	Deutsches Heer Württembergische Sicherheitstruppen (en) Reichswehr (en) Heer
Gradua	general field marshal (en)
Parte hartutako gatazkak	Lehen Mundu Gerra Bigarren Mundu Gerra Iparraldeko Afrikako kanpaina Frantziako gudua Overlord operazioa Operation Sonnenblume (en) El-Alameingo lehen gudua El Alameingo bigarren gudua Suziri Operazioa
Sinesmenak eta ideologia
Erlijioa	Luteranismoa Protestantismoa

Ipar Afrikako Ardatzaren porrotaren ondoren, Aliatuen Normandiako Lehorreratzeari eta Frantziako inbasioari aurre egin zion alemaniar armadaren buruan jarri zuten Rommel. Kargu horretan zela, 1944ko uztailaren 20an Hitler hiltzeko konspirazioan parte hartu izana leporatu zioten. Bere buruaz beste egin zuen 1944ko urriaren 14an.

Bizitza

Frantziako, Errumaniako eta Italiako fronteetan borrokatu zen Lehen Mundu Gerran. Karrera militarra utzi eta Tübingengo Unibertsitatean ikasi zuen. Hitler aginpidera iritsi zen arte ez zen Alemaniako armadan sartu (1933). Armadaren eta gazte mugimendu nazien arteko loturaz arduratu zen, eta azken horien artean arrakasta handia izan zuen Infanterie Greift (1937, Infanteria erasoan), taktika militarrari buruzko eskuizkribua, idatzi zuen.

Führerraren kuartel nagusiko buruzagietako bat izan zen eta 1940. urteko Frantziako kanpainan izan zituen garaipenen ondorioz izendatu zuten Deutsches Afrika Korps guda taldeko komandante. Afrikako iparraldean, El-Alameineraino baztertu zituen britainiarrak, eta mariskal egin zuten (1942). Hurrengo neguan, ordea, Tunisiaraino atzeratu behar izan zituen bere mendeko osteak. Europara hots egin zioten baina ezin izan zuen Normandiako lehorreratzea saihestu, eta Bavariara erretiratu behar izan zuen zaurituta.

Mendebaldeko gerra bertan behera uztearen aldeko agertu zen eta horrek Hitlerren susmo txarrak piztu zituen. Hitlerrek bere buruaz beste egiteko agindua eman zion Rommeli 1944 urriaren 14an. 1953. urtean argitaratu zen mariskalaren egunkaria: The Rommel Papers (Rommelen eskuizkribuak).

Zinema

• The Desert Fox: The Story of Rommel (1951)

Erreferentziak

Wikimedia Commonsen badira fitxategi gehiago, gai hau dutenak: Erwin Rommel

• Datuak: Q14060
• Multimedia: Erwin Rommel / Q14060