Emin minaretea

Emin minaretea
	Irudi gehiago
Kokapena
Estatu burujabe	Txinako Herri Errepublika
Eskualde autonomo	Xinjiang
Prefektura mailako hiri	Turpan prefektura
Barruti	Gaochang barrutia
Town of China	Ürümchilik
Koordenatuak	42°56′04″N 89°12′12″E / 42.934539°N 89.203456°E
Historia eta erabilera
Eraikuntza	1777 - 1778
Arkitektura
Materiala(k)	zurra, adreilua eta adreilua
Dimentsioak	44 () m ;
Ondarea

Emin minaretea (txinera tradizionalez: 苏公塔; pinyinez: Sūgōng tǎ), Turfan hirian dagoen minarete bat da, izen bereko uigur meskitan kokaturik dagoena.

Historia aldatu

1750eko hamarkadan Qing dinastiaren garaiko txinatarrek dzungariar mongol musulmanek agintzen zuten probintzia hau konkistatu zuten. Uigurren Emin Khoja (額敏和卓) erregeak Qing dinastiaren alde egin zuen borroketan eta meskitari Emin izena eman zioten^[1]. Minaretea 1777 urtean hasi zirfen eraikitzen Qianlong enperadorearen erregealdian (1735-1796) eta urtebetean eraiki zen^[2]. Turfaneko agintariek finantzatu zuten eta meskitari bezala Emin Khojaren izena ezarri zioten.

Deskribapena aldatu

Txina guztiko minarete garaiena da, 44 metrotako altuera baitu^[3]. Egurrez eta adreiluz eraikita dago eta itxura konikoa du. Oinarrian 14 metrotako diametroa du eta puntan 2'8 metrotakoa baino ez^[3].

Turfan Zetaren Bidean kokaturik zegoenez kultur aniztasun handia zegoen hirian eta minareteak ere hori azaltzen du, txinatar, islamdar eta uigur sinbologiaz apaindurik baitago. 15 irudi patroi desberdin agertzen ditu, tartean uhinak, loreak eta erronboak^[1]. Leiho estuak ere baditu toki desberdinetara orientaturik eta altuera desberdinetan kokaturik daude. Leiho hauek barnealdea argiztatu eta aireztatzeko funtzioa dute^[4]. Minareteak ez du solairurik, 72 maila dituen eskailera zirkularra baizik^[5].

Uigur meskita aldatu

Uigur meskitak oinplano errektangularra du eta Emin minaretea meskitaren ipar-ekialdeko erpinean kokaturik dago. 1.000 fededunentzako tokia du^[1]. Mihrabak ditu hiru albotan eta laugarrenean patio estali bat dago. Barneko aretoa txikia eta itxia da baina kanpoaldean plaza zabalak ditu. Adobezko adreiluz eraikita dago^[5]. Ez da inolako irudirik ageri egituretan.