Elle Logan
Eleanor Logan (Portland, Maine, 1987ko abenduaren 27) arraunlari estatubatuarra da. AEBko lehen arraunlaria da segidako hiru olinpiar jokoetan urrea irabazi duena. Horrez gain, hiru aldiz munduko txapelduna izan da.
| Elle Logan | |
|---|---|
| Bizitza | |
| Jaiotza | Portland, 1987ko abenduaren 27a (36 urte) |
| Herrialdea |  Ameriketako Estatu Batuak |
| Hezkuntza | |
| Heziketa | Stanford Unibertsitatea Brooks School (en)  |
| Jarduerak | |
| Jarduerak | arraunlaria |
| Pisua | 86 kilogramo |
| Altuera | 188 zentimetro |
Stanfordeko Unibertsitateko ikasle gisa lortu zuen bere lehen Olinpiar domina 2008ko Udako Olinpiar jokoetan, Beijingen. Hurrengo urtean, Stanford-en, 10 Pac-eko Txapelketa eta Stanfordeko lehen NCAA Txapelketa irabazi zituen. Uda hartan, zilarrezko domina irabazi zuen, emakumezko lauko taldean, 2009ko Munduko Txapelketetan, Poznanen (Polonia). 2010 eta 2011eko Munduko Txapelketetan urrea lortu zuen, emakumezko zortziko taldean, lehena, Zelanda Berrian, bigarrena berriz, Bled-en (Eslovenia). Gainera, 2011ean Stanfordetik graduatu zen eta lanaldi osoko entrenamenduekin hasi zen AEBko taldean. 2012an, Espainiako Selekzio Estropada irabazi zuen Erin Cafarorekin elkarlanean, eta AEBeren ordezkari gisa aritu zen ondorengo bi kopa mundialetan, bakoitzean zilarra irabaziz, eta oro har, sailkapen nagusiko lehen postua lortuz 2012ko Samsung Arraun Koparako. Horrez gain, biak batera beste sei taldekiderekin batera urrea irabazi zuten Londresen 2012ko Udako Olinpiar jokoetan , emakumezko zortziko talde estatubatuarrean.
2013an, sculling modalitatera aldatu zen, eta USRowing National Selection Regatta irabazi zuen, ondorioz, AEB ordezkatzeko eskubidea irabaziz Chungjuko Munduko Txapelketan, Korean. Bertan, bostgarren amaitu zuen. 2014. urtean, berriro emakumezko zortziko taldera itzuli zen eta urrezko beste domina bat lortu zuen Amsterdameko Munduko Txapelketan. 2015. urtean, Felice Muellerekin batera lanean brontzezko domina bat irabazi zuten Aiguebelleko (Frantzia) Munduko Arraun Txapelketan.[1]
2016. urtean Pac-12 Rower of the Century deitu zioten.[2] Bere hirugarren urrezko domina irabazi zuen Rio de Janeiroko Udako Olinpiar jokoetan (2016), emakumezko zortziko taldean.[3][4]
Erreferentziak aldatu
- ↑ «Eleanor LOGAN» Worldrowing.com December 27, 1987.
- ↑ «Sports Report' reveals Men's and Women's All-Century Rowing teams» Pac-12.com May 10, 2016.
- ↑ «A Simple Yell Helps a Dynasty Pull Together» The New York Times August 14, 2016.
- ↑ «Boothbay's Eleanor Logan and U.S. women's rowing crew win gold in Rio – The Portland Press Herald / Maine Sunday Telegram» Pressherald.com.
Kanpo estekak aldatu
Datuak: Q290050
