Datil oker

Datil oker
	Irudi gehiago
Sailkapen zientifikoa
Erreinua	Animalia
Filuma	Mollusca
Klasea	Bivalvia
Ordena	Veneroida
Familia	Pharidae
Generoa	Ensis
Espeziea	Ensis ensis; Linnaeus, 1758

Datil okerra (Ensis ensis) molusku kuskubiko bat da, Pharidae familiakoa. Ipar-mendebaldeko Europan jatorria duen^[1] datil hau jateko ona da.

Deskribapena aldatu

Bi oskol errektangular luze ditu, estuak eta pixka bat kurbatuak. Oskol biak simetrikoak dira animalia ongi itxi ahal izateko. 10 zentimetro inguruko luzera hartu dezake. Marra elkartzutak ditu, hazkuntza prozesua aierazten dutenak.

Ingelesez Sword razor eta gaztelaniaz Navaja esaten zaio daukan labana itxuragatik.

Banaketa aldatu

Europa ipar-mendebaldeko kostaldean aurkitzen da Itsaso Baltikoan eta Norvegian hasi eta Portugal alderaino^[2]. Euskal Herriko kostaldean ere badago.

Bizimodua aldatu

Datil okerra hareatan.

Eremu neritikoan eta mareateko guneko sedimentuetan aurkitzen da. Itsasgoran sedimentuen azalera hurbiltzen da baina ura jeistean edo arriskua somatzen duenean lurbarnera metro erdiko sakonerara sartzen da. Azkar egiten du tunela^[3].

Bi sifoi ditu eta hondarretatik ateratzen ditu. Sifoi batetik ura hartu eta bestetik bota egiten du eta bitartean ura iragazi eta elikadura partikulak xurgatzen ditu^[4].

Ugalketa aldatu

Udaberrian ugaltzen da eta larbek zooplaktona osatzen dute. Hilabete pasa ondoren lurrera jeitsi eta sustratuan finkatzen da. Hiru urte dituenean heldua da eta 10 urte ere bizi daiteke^[3].