Daría Campillo Paniagua
Daría Campillo Paniagua (Gasteiz, 1873ko irailaren 8a – Paterna, Valentzia, 1936ko azaroaren 24a) moja karmeldarra izan zen, Daría Santa Sofiarena erlijio-izena zuena.
| Daría Campillo Paniagua | |
|---|---|
| Bizitza | |
| Jaiotza | Gasteiz, 1873ko irailaren 8a |
| Herrialdea |  Araba, Euskal Herria |
| Heriotza | Paterna eta Valentziako Erkidegoa, 1936ko azaroaren 24a (63 urte) |
| Hezkuntza | |
| Hizkuntzak | gaztelania |
| Jarduerak | |
| Santutegia | |
| Irailaren 22, Azaroaren 6 eta Azaroaren 24 | |
Bizitza aldatu
Gasteizen jaio zen baina bere familiarekin urte luzez bizi izan zen Madrilen, eta bertan karitateko karmeldarrak ezagutu zituen[1]. 1895eko abenduaren 23an, 22 urterekin, moja egin zen, Daría Santa Sofiarena izena hartuta[2]. Lehen botuak egin ondoren, Viceko eskola batera bidali zuten lanera, handik Castellóra, eta gero Valentziako Karitatearen Etxera[3]. Bertan erizaintzan aritu zen eta eskolan orratz lanak eta etxeko ekonomia irakasten zituen, eta ume-antzerkia ere antolatu zuen[2].
1936ko maiatzaren 12ko Fronte Popularraren dekretuaren arabera, ongintzazko erakundeetan lan egiten zuten moja guztiak emakume laikoek ordezkatu behar zituzten[2]. Gerra Zibila hasi eta gero, katolikoen aurkako jazarpena areagotu zen[2], baina Daría indar handiz saiatzen zen garai zaila jasaten[3]. Uztailaren 2an, azken meza ospatu zen Karitatearen Etxean, eta hurrengo egunetanm ojek altzari, argirik eta urik gabeko apartamentu batera joan ziren bizitzera[2] Uztailaren 27an galdeketa egin zieten eta Katalunian, Valentzian edo Murtzian senideak zituztenei etxera joateko baimena eman zieten, baina Euskal Herriko eta Gaztelakoei ez zieten utzi[2].
Azaroaren 17an, Valentzian geratu ziren hamabi mojak, Daría barne, Iberiar Federazio Anarkistako kideek atxilotu, galdekatu eta espetxera zigortu zituzten, eta azaroaren 19an Alaquàseko espetxera eraman zituzten[2]. Azaroaren 24an Paternako zalditegira eraman, eta bertan exekutatu zituzten[3]. Daría lasai eta isilik egon zen exekuzioan[2]. Ehortzita dagoen lekua ezezaguna da[4].
2001eko martxoaren 11n dohatsu bilakatu zen[2].
Erreferentziak aldatu
- ↑ (Gaztelaniaz) Alday, Jesús María. (1994). Santoral Vasco: santos, beatos y siervos de Dios. Misioneros Claretianos, 258 or. ISBN 9788460497141..
- ↑ a b c d e f g h i (Norvegieraz [bokmål]) Odden, Per Einar. (2018). «Den salige Niketa Plaja Xifra og elleve ledsagere (d. 1936)» Den katolske kirke.
- ↑ a b c (Gaztelaniaz) «Carmelitas de la Caridad» Aciprensa.
- ↑ (Italieraz) Resch, Andreas. (2000). I beati di Giovanni Paolo II: 2001-2004. Libreria Editrice Vaticana, 445 or. ISBN 9788820978334..
Kanpo estekak aldatu
Datuak: Q11692917
