Cerro Catedral (Uruguai)
Cerro Catedral[1] edo Cerro Cordillera (513,66 m) Uruguaiko tontorrik altuena da. "Katedral" izena tontorrean dauden harriek dituzten forma bitxiagatik darama; mota horretako harriak Uruguaiko hegoaldeko zenbait eremutan ugariak dira.
| Cerro Catedral Cerro Cordillera | |
|---|---|
 | |
| Datu orokorrak | |
| Garaiera | 513,7 m |
| Prominentzia | 63 m |
| Mota | mendi |
| Geografia | |
 | |
| Koordenatuak | 34°22′51″S 54°40′25″W / 34.3808°S 54.6736°W |
| Mendikatea | Sierra Carapé (en)  |
| Mendizaletasuna | |
| Lehen igoera | Ezezaguna |
| Ohiko bidea | Ruta 109 pistatik |
| Geologia | |
| Material nagusia | Granito |
| Garaia | Aurrekanbriar |
Historia aldatu
1973 arte herrialde honetako mendirik garaiena Cerro de las Ánimas (501 m) zela uste zen. Urte horretan Uruguaiko armadako zerbitzu geografikoko[2] zientzilari-talde batek muino hau metro batzuk altuagoa zela baieztatu zuen. Lehenak herrialdeko biztanle gehienak bizi diren kostaldetik askoz ikusgarritasun handiagoa du eta Catedral, ordea, Cerro Sombrero eta Ojo del Buey bezalako beste muino batzuek diskretoago bihurtzen dute.
Cerro de la Catedral izena 1900tik jasotzen bada ere[3], azken urteetan argitaratutako mapetan Cerro Cordillera izena ere sarritan erabiltzen da; "Cordillera(s)" berez tontorra dagoen Sierra de Carapéko sektorearen izena da[4].
Kokapena aldatu
Maldonado departamenduko Aiguá udalerrian dago. Fisikoki Sierra Carapé izenekoan dago; aldi berean Carapé Uruguaiko mendilerro nagusia den Cuchilla Grandeko adarretakoa da.
Aiguátik bi errepide ateratzen dira kostalderantz, bata (Ruta 49) Maldonadora doana eta bestea (Ruta 109) Rochara. Mendia bien artean dago, azken honetatik hurbilago. Igotzeko teknikoki ez dago inolako zailtasunik, pistatik ibilbide laburra eta desnibel txikia dagoelako; mendebaldetik oso igoera erraza da eta ekialdetik aldapa apur bat gogorragoa da[5]. Lur eremu pribatu batean dago eta tontorrean erpin geodesiko bat dago.
Klima aldatu
Mendi hauetan klima epel edo subtropikal hezea da: udak atsegin samarrak dira; neguak, aldiz, erlatiboki hotzak eta izotzaldiak ez dira arraroak. Haizeak gogor jotzen du eta euriteak urte osoan zehar banatzen dira. Elurra oso gutxitan egiten du.
Erreferentziak aldatu
- ↑ Estamentu ofizialek erabilia; ikus adibide hau.
- ↑ Espainieraz Servicio Geográfico Militar.
- ↑ Diccionario Geográfico del Uruguay.
- ↑ Ricardo Hernani, Andoni Gorostiaga: Atlas de los techos de estados e islas del mundo, Pyrenaica, Bilbo, 2008.
- ↑ Tacuy.com.
Ikus, gainera aldatu
Kanpo estekak aldatu
- (Gaztelaniaz) Mendia Maldonado udalerriko webgunean.
- (Ingelesez) Cerro Catedral Peakbagger.comen.
- (Gaztelaniaz) Mendia Montipedia webgunean.
Datuak: Q1055837
