Carlow konderria
Carlow konderria (gaeleraz Contae Cheatharlach) Irlandako hego-ekialdean dago kokatuta, Leinsterreko probintzian. 896 km2-ko azalera dauka eta 54.612 biztanle zituen 2011an. Carlow/Ceatharlach dauka hiriburu eta hiri nagusia.
| Carlow konderria | |||
|---|---|---|---|
| County Carlow Contae Cheatharlach | |||
| |||
| Island_of_Ireland_location_map_Carlow.svg | |||
| Geografia | |||
| Hiriburua | Carlow 52°49′50″N 6°55′54″W | ||
| Azalera | 896 | ||
| Mugakideak | Kildareko konderria, Wicklowko konderria, Kilkennyko konderria, Laoiseko konderria eta Wexfordeko konderria | ||
| Administrazioa | |||
| Legebiltzarra | legislative body of Carlow County Council (en)  | ||
| Demografia | |||
| Biztanleria | 56.875 (2016) | ||
| Dentsitatea | 63,41 bizt/km² | ||
| Bestelako informazioa | |||
| Ordu eremua | ikusi
| ||
| carlow.ie | |||
Herriak aldatu
- Carlow/Ceatharlach (13.698 biztanle), hiriburua
- Tullow/An Tulach (3.972)
- Muine Bheag/Bagenalstown (2.532)
- Nurney/Urnaí Nurnai (2.039)
- Borris/An Bhuiríos (1.011)
Historia aldatu
Giza presentzia konderrian antzinakoa da, honen adierazgarri dira hainbat aurrehistoriako aztarna, besteak beste Brownshill trikuharria.
VII mendean iritsi zen kristautasuna lur hauetara. 630 urtean elizaren sinodo bat ere izan zen Carlowen. Batzar honetan Aste Santuaren datak zehaztu ziren.
Erdi Aroan Leinsterreko konderri palatinoaren parte izan zen, baina 1306an banatu eta konderri bereizia osatu zuen. Garai hartan bere lurrak ekialderantz kostalderaino iritsen ziren baina 1606 eta 1607an Wicklowko konderriarekin izandako borroken ondorioz kostaldeko lurrak galdu zituen. Gaur egun Leinster probintziako bigarren konderri txikiena da.
Ondasun nabarmenak aldatu
- Carlowko gazteluaren aztarnak
- Ducketts Grove jauregiaren aztarnak
- Brownshill trikuharria
Pertsona ezagunak aldatu
- John Tyndall (1820-1893), fisikaria
Kirolak aldatu
Carlowko konderriko taldeek ez dute emaitza aipagarririk izan ez joko gaelikoetan ez eta futbolean ere, nahiz eta F.C. Carlow taldea Irlandako futbol ligako lehen mailan ari den.
Aipatzea merezi duena 1903an izan zen moto lasterketa bat da, izan ere Erresuma Batuan izan zen lehen nazioarteko moto lasterketa izan baitzen (kontuan izan garai hartan Irlanda Erresuma Batuaren parte zela). Gordon Bennett Cup izena izan zuen eta uztailaren 2an jokatu zen. Ibilbideak 528 kilometro zituen eta "8" itxura zeukan. Kildare, Laois eta Carlowko konderriak zeharkatu zituen eta irabazlea Camille Jenatzy belgikarra izan zen.
Iruditegia aldatu
Kanpo estekak aldatu
Datuak: Q181882
Multimedia: County Carlow / Q181882
