Campanades a Morts (abestia)
"Campanades a Morts" abestia izen bereko albumean Lluís Llach abeslari katalanak 1977an plazaratu zuen. Abestiaren gaia poliziek eragindako Gasteizko martxoaren 3ko sarraskia da. Abeslariak sarraskiaren gau berean konposatu zuen. 1977an Mendizorrotzeko kiroldegian eman zuen lehen aldiz, Mikel Laboak lagunduta. Albumari izenburua ematen dion abestiak A alde osoa hartu zuen.[1] 30 urte geroago, 2006ko martxoaren 3an, Llachek konposizio hori interpretatu zuen Gasteizko Fernando Buesa Arena pabiloian, gertakari horiek oroitzeko.[2]
| Campanades a Morts (abestia) | |
|---|---|
| Lluís Llachen musika-lana | |
| Egilea(k) | Lluís Llach |
| Argitaratze-data | 1977 |
| Izenburua | Campanades a Morts |
| Ezaugarriak | |
| Genero artistikoa | protesta abestia |
| Hitzak | Lluís Llach |
| Bestelako lanak | |
| Musikagilea | Lluís Llach |
Historia aldatu
Lluis Lach, errepresio frankistak jazarritako kantautorea, Kataluniara itzuli berria zen Parisen erbesteratuta egon ondoren. Letra eta musika jarri zizkion "Campanades a morts" -i gertakariak gertatu ziren egun berean. Abestiak hiru hildakori buruz hitz egiten du –gau hartan ezagutu zirenak–, nahiz eta gero kopurua bostera igoko litzatekeen.
1976ko martxoaren 3an, greba orokor baten ondorioz, ehunka langilek batzarra egin zuten Arabako hiriburuko eliza baten barruan, Zaramagako Asisko San Frantzisko elizan. Poliziak eliza uzteko agindu zuen. Barrura jaurtitako gas negar-eragilezko poteek bultzaturik, tenplutik atera ziren, nahas-mahas, izututa eta itolarriaren sintomekin. Kanpoan izua eta heriotza zituzten zain.
1976ko martxoaren 3an, Llachek abesti bizi eta tragiko bat egin zuen, tira-bira batez, Francorik gabeko frankismoaren gau luzean ikono eta erreferentzia izango zena, eta, batez ere, ahanzturaren aurkako adierazpen politiko indartsu bat. Urtebete geroago, diskoan grabatu zen, Manel Camp zuzendutako orkestra sinfoniko batekin eta Sant Jordi Abesbatzarekin , Oriol Martorell zuzendariaren eskutik.[3]
Erreferentziak aldatu
Ikus, gainera aldatu
Kanpo estekak aldatu
- (Katalanez):Abesti osoa Youtuben.
- (Katalanez):Abestiaren letra katalanez eta gaztelaniaz.
Datuak: Q123494990
