Brač
Brač (Bračeraz: Broc; latinez: Bretia; italieraz: Brazza) Kroaziako Split-Dalmazia eskualdeko uharte nagusia da Hvar irlarekin batera.
| Brač | |
|---|---|
 | |
| Datu orokorrak | |
| Mendirik altuena | Vidova gora (en)  |
| Garaiera | 780 m |
| Mota | uharte |
| Azalera | 396 km² |
| Geografia | |
 | |
| Koordenatuak | 43°18′40″N 16°39′56″E / 43.3111°N 16.6656°E |
| UTC ordua | Europa Erdialdeko Ordua |
| Kokapena | Adriatikoa |
| Estatu burujabe |  Kroazia |
| Kroaziaren banaketa administratiboa |  Split-Dalmazia eskualdea |
| Ur-gorputza | Adriatikoa |
| Leku geografikoa | Adriatikoa |
Historia aldatu
Erromatarrek Bretia izena eman zioten uharteari. Plinio Zaharrak dagoeneko aipatzen ditu bertako ardoa, oliba olioa eta ahuntz gazta. Dioklezianoren jauregia egiteko harri zuria uhartetik atera zen.
Ondoren avaroak eta eslaviarrak jabetu ziren irlaz. XIII eta XIV mendeetan veneziarrek hartu zuten uhartea eta Brazza deitu zuten, gaur egun italieraz ere izen hau dauka. Hurrengo mendeetan ere esku askotatik pasa zen 1815ean Austria-Hungariako Inperioak eskuratu zuen arte. 1918an Jugoslaviaren barnean gelditu zen eta azkenik Kroazian sartu zen honek askatasuna lortzean.
XIX. eta XX. mendeetan emigrazio handia jasan zuen, Australia, Zeelanda Berria, Argentina eta Txilera batez ere.
Herriak aldatu
Uharteko hiriburua Supetar da eta bertan dago kairik handiena. 10 kilometrotara Škrip herrixka dago, k.a. III. mendeko herrixka iliriarraren aztarnak dituena.
Hegoaldeko kostan Bol herri turistikoa dago. Aipatzekoa da batez ere Urrezko adarra (kroazieraz: Zlatni rat) hondartza.
Kanpo estekak aldatu
Datuak: Q922
Multimedia: Island of Brač / Q922
