Belfast Celtic F.C.

Belfast Celtic F.C.
Datuak
Mota	futbol-kluba
Herrialdea	Erresuma Batua
Liga	NIFL Premiership
Estadioa	Celtic Park (en) : Belfast; 54°35′21″N 5°57′45″W / 54.5891°N 5.9626°W ; 50.000
Agintea
Egoitza nagusi	Belfast;
Historia
Sorrera	1891
Ondorengoak	The Park Centre (en)
Desagerpena	1949

	Etxekoa
	webgune ofiziala;

Belfast Celtic F.C. (izen osoa Belfast Celtic Football Club) Ipar Irlandako futbol talderik garrantzitsuenetakoa izan zen, 1949an desagertu zen arte.

Historia aldatu

Belfast Celtic F.C. 1891ean sortu zuten katolikoek eta berehala hartu zituen Glasgowko Celtic F.C. taldearen izena eta jantzia. 1900an irabazi zuen bere lehen liga eta 1901ean Celtic Park zelaia inauguratu zuten Donegall Road auzoan, zaleek Paradise (paradisua) ezizenarekin ezagutzen zutena.

Irlandako Banaketa garaiak istilutsuak izan ziren eta 1920an liga irabazi zuen arren bertatik kanporatu egin zuten eta ez zen 1924 arte berriro jokatzen hasi, taldearen zalegoa oso nazionalista zelako egin zuten hau. Hurrengo urteetan Ipar Irlandako talderik indartsuena izan zen eta guztira 14 liga irabazteko gai izan zen.

Urtero Linfield (protestanteak) eta Celtic (katolikoak) beraien arteko partida jokatzen zuten gabonetan. 1948an istilu larriak izan ziren, Celtic irabazten joan ondoren Linfieldek azken minutuan berdindu eta zale protestanteek zelaia inbaditzeaz gain Celticeko hainbat jokalari jipoitu zituzten. Agintariek ezarritako isun txikien aurrean protesta egiteko taldeak Liga uztea erabaki zuen. Hurrengo denboraldian Amerikan bira bat egiten ari zela finantza arazoak azaldu zitzaizkion eta arazo hauei aurre egiteko gai ez zen izan. Ordutik lagunarteko partiduren bat baino ez du jokatu. Gaur egun The Grand Old Team (Talde handi zaharra) ezizenaz ezagutzen da.

1970an Donegal Celtic F.C. taldea sortu arte, Belfasteko katolikoek ez zuten futbol talderik izan.

Palmaresa aldatu

Liga (14): 1900, 1915, 1920, 1926, 1927, 1928, 1929, 1933, 1936, 1937, 1938, 1939, 1940 eta 1948.
Kopa (8): 1918, 1926, 1937, 1938, 1941, 1943, 1944 eta 1947.

Ikus gainera aldatu

Celtic F.C., Glasgow, Eskozia

Kanpo estekak aldatu

(Ingelesez) Belfast Celtic museoaren webgune ofiziala

Datuak: Q312363