Ayrton Senna
Ayrton Senna da Silva (Sao Paulo, Brasil, 1960ko martxoaren 21a - Imola, Italia, 1994ko maiatzaren 1a) 3 munduko txapelketa eskuratu zituen 1 Formulako gidari brasildarra zen. 1984. urtean parte hartu zuen aurrenekoz munduko 1 Formula lehiaketa batean, bestelako mailetako lasterketetan garaipen ugari lortu ondoren. Aditu askoren ustez Juan Manuel Fangio ondoren izan den handiena izan da Senna; ikusgarria eta ausarta zen. Mundu lehiaketako 141 lasterketetan parte hartu zuen; horietako 65etan pole position izan zen irteeran, eta 41etan, berriz, lehena helmugan. Hiru aldiz izan zen irabazle munduko txapelketan (1988, 1990, 1991). 1994ko San Marinoko Sari Nagusia zela hil zen istripuz Imolako zirkuituan.
Lehen urteak eta hastapenak aldatu
Senna 1960ko martxoaren 21ean, astelehen batean, jaio zen, gaueko 2:35tan, São Pauloko Santana auzoko Pro-Matre amatasun ospitalean.[1] Familia brasildar aberats bateko erdiko umea zen: bere aita (Milton Guirado da Silva) lurjabea eta fabrikajabea zen, eta ama Neide Senna da Silva zen. Arreba zaharrago bat zuen (Viviane) eta anai gazteago bat (Leonardo).[2] Ezkertia zen. Sennaren ama inmigrante italiarren biloba zen, eta aitak Tíjolako (Almería, Espainia) ama eta São Pauloko aita zituen.[3]
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ «Instituto Ayrton Senna» web.archive.org 2011-07-11 (Noiz kontsultatua: 2022-08-10).
- ↑ «Ayrton Senna» web.archive.org 2012-10-01 (Noiz kontsultatua: 2022-08-10).
- ↑ (Portugesez) Peron, Jornalista Desiderio. (2019-12-15). A genealogia de Ayrton Senna - Insieme. (Noiz kontsultatua: 2022-08-10).
Kanpo estekak aldatu
Datuak: Q10490
Multimedia: Ayrton Senna / Q10490
|
Artikulu hau biografia baten zirriborroa da. Wikipedia lagun dezakezu edukia osatuz. |