Atari:Hezkuntza/Lehen Hezkuntza/Gure herriari buruzko artikulua irakurri
Zer jartzen du Wikipedian gure herriari buruz? Galdera sinple honetatik abiatuta ariketa oso interesgarria egin daiteke Lehen Hezkuntzako lehen mailatik abiatuta. Informazioa zuzena ote den begiratu daiteke, zerbait falta den edo gaurkotu gabe ote dagoen, biztanleriaren datua azkena ote den, kultura atalean jairen bat falta den... Informazio horrekin guztiarekin Txikipediarako artikulu bat ere presta daiteke.
Landutako konpetentziak aldatu
- ...
Proiektuaren garapena aldatu
Proiektu honen lehen fasean irakasleak eskola dagoen herri edo auzoari buruzko artikulua irakurriko du. Bertan egon daitezkeen galdegaiak atera beharko lituzke, ondoren ikasleentzat errazagoa izan dadin irakurketa hori elkarrekin egitea. Proiektuak nahi beste iraun dezake, baina lau bat saio aurreikus daitezke.
Irakurri baino lehen aldatu
Girotze fasea. Gure herria, gure auzoa Wikipedian agertuko da? Nork idatziko zituen hor dauden testuak? Nork argitaratuko zituen hor dauden argazkiak? Argazki oinak? Mapak? Informazio guztia ondo egongo da? Eguneratuta? Aipatuko dira gure auzoak edo gure herriak eman dituen pertsonaiarik ospetsuenak? Leku edo monumenturik aipagarrienak?
Irakurri bitartean aldatu
Ikasgelan guztion artean irakurriko dugu artikulua. Zerbait falta al da? Zerbait soberan al dago? Gaurkotuta al daude datuak (adibidez, biztanleria)? Galdera horiek erantzuteko denbora beharko dute ikasleek. Eta agian hurrengo saiorako utzi daiteke horren ikerketa.
Non begiratu dezakegu ea biztanleriaren datua ondo dagoen? Ikerketaren hastapen bat da: udaletxeak ematen ditu datuak, zentsuan ere badaude, askotan herri aldizkarietan agertzen da, urte hasieran. Datuak non bilatu ikasiko du ikasleak atal horrekin.
Irakurri eta gero aldatu
Artikulua ondo irakurri eta ulertu ote den ikusteko bost galdera talde klasikoetatik galdera batzuk bota daitezke.
Zerbait falta bada, galderarekin ikasleentzat interesgarrienak diren gaiak aterako dira, askotan jaiei eta kulturari lotuta. Hortik abiatuta, Txikipediako artikuluaren edizioa landu daiteke, guztion artean umeentzako interesgarria den bertsio berri bat eraikiz. Ariketaren azken ekoizpena izan daiteke Txikipediako artikulu hori. Idazteko gaitasuna, datuak ordenatzeko konpetentzia eta informazioa iragazi eta hierarkizatzeko aukera ematen du ariketaren atal honek.