Apollo 7, ofizialki AS-205 deitua, Ameriketako Estatu Batuen Apollo programaren lehenbiziko misio eskifatua izan zen.

Apollo 7
Fabrikazioa
FabrikatzaileaRockwell International (en) Itzuli
Historia
AurrekoaApollo 6 (en) Itzuli
HurrengoaApollo 8
Espazio jaurtiketa 1968ko urriaren 11
Splashdown 1968ko urriaren 22a
KudeatzaileaNASA
Honen parteApollo programa
Masa16.519 kg eta 5.175 kg

1968ko urriaren 11an jaurti zen, Saturno I-B bektorearen bidez, Walter M. Schirra (komandantea), Donn F. Eisele eta Walter Cunningham barnean zeramatzan ontzia. Ontzia aparkatze orbitan (230-285kmko altueran) jarri zen, eta Lurraren inguruan osatutako 163 orbitetan aginte eta zerbitzu-moduluaren eta komunikazio-sistemen funtzionamendua aztertu zen.

Era berean, Saturn kohetearen hirugarren fasearekin espazio ahokatzea probatu zen, 15 metroko distantziara hurbildu zelarik, era honetan ilargiratze-moduluarekiko lotura simulatuz. Hegaldian zehar motore nagusia zortzi alditan piztu zen ibilbidean zuzenketak egiteko. Halaber, estrainekoz maniobra hauek telebistaz eman ziren, eta Lurran milioika pertsonek ikusteko aukera izan zuten.

10 egunen buruan, 1968ko urriaren 22an, iragarritako lekutik 13 kmra itsasoratu zen ontzia. USS Essex itsasontziak jaso zuen. Hegaldiak 260 ordu, 8 minutu eta 58 segundo iraun zuen.

Bitxikeriak aldatu

Antza denez, hegaldian zehar astronautek hotzeria garatu zuten eta mukiak zeriotela egon ziren etengabe. Horrez gain, kosmonauten umore-zentzu kaskarrak Lurreko kontrol teknikoekin eztabaidan eta borrokan egotea eragin zuen. Harrezkero, esan ohi da NASAk balizko hurrengo misioetatik banatu zituela.

Kanpo estekak aldatu