Annie Montague Alexander
Annie Montague Alexander (Honolulu, 1867ko abenduaren 29a – Oakland, Kalifornia, 1950eko abenduaren 10a) estatubatuar filantropo eta paleontologoa izan zen. Berkeleyko Kaliforniako Unibertsitateko Museum of Vertebrate Zoology eta Museum of Paleontology antolatu zituen, bere bildumak eta Estatu Batuetako mendebaldetik XX. mendearen amaieran espedizio paleontologiko batzuk finantzatuz. Espedizio horietako askotan parte hartu zuen eta fosil eta animalia exotikoen bilduma garrantzitsua biltzea lortu zuen.
| Annie Montague Alexander | |
|---|---|
 | |
| Bizitza | |
| Jaiotza | Honolulu, 1867ko abenduaren 29a |
| Herrialdea |  Ameriketako Estatu Batuak |
| Bizilekua | Oakland Auburndale (en)  Paris |
| Heriotza | Berkeley (Kalifornia), 1950eko irailaren 10a (82 urte) |
| Familia | |
| Aita | Samuel Thomas Alexander |
| Ama | Martha Eliza Alexander |
| Anai-arrebak | ikusi
|
| Hezkuntza | |
| Heziketa | Kaliforniako Unibertsitatea Lasell University (en) Punahou School (en) |
| Hizkuntzak | ingelesa |
| Jarduerak | |
| Jarduerak | paleontologoa, ongilea, zoologoa, biltzaile zientifikoa eta landare biltzailea |
Parte-hartzailea
| |
| Influentziak | John Campbell Merriam (en) |
| Kidetza | American Society of Mammalogists (en) |
Biografia aldatu
Mauiko azukre-kanaberaren landaketa familiarrean hazi zen. 1882an, bere familia Oaklanden (Kalifornia) kokatu zen eta bertan bigarren mailako ikasketak egin zituen. Bere aita, Samuel Thomas Alexander, historia naturalaren zale amorratua zen eta bere alabarekin bidaiatzen zuen. Honela joan zen Annie Alexander Europara, Hong Kongera, Txinara, Javara, Samoa uharteetara, Markesak uharteetara, Zeelanda Berrira eta Afrikara. Orduan hasi zuen hainbat fosilen bilduma.[1]
Alexander paleontologiarekin liluratuta geratu zen 1900. urtean Clinton Hart Merriam irakasleak (1855-1942), Washingtongo ikerketa biologikoko saileko zuzendariak, emandako hitzaldi batean parte hartu zuenean. Berak azaldu zion mendebaldean museo handi bat egiteko asmoa zuela, eta irakasleak animatu eta Alaskara joatea aholkatu zion. 1907ko apiriletik abuztura bitartean Alaskara bidaia bat finantzatu eta zuzendu zuen, non hegazti eta ugaztun bilduma handi bat bildu zuen.[2] Hori Museum of Vertebrate Zoology bildumaren hasiera izan zen. Proiektua azkar aurreratu zen eta Joseph Grinnell izan zen zuzendaria 1908tik 1939an hil zen arte.[1][3]
Alexanderrek bere bizitza osoan lagundu zuen museoaren jarduerari eusten, bai ekonomikoki, bai erakundearen jardueran parte hartuz. Louise Kellogg lagunarekin batera, besteak beste, zainzuriak landatzeko etxalde bat ezarri zuten, herrialde osoan zehar saldu zirenak, eta horri esker espedizioak finantzatzen jarraitu ahal izan zuten. 1950eko abenduaren 10ean hil zen garun-isuri baten ondorioz. Haren errautsak hilerri batean lurperatu zituzten, Mauiko haurtzaroko etxera begira.[1]
Hainbat landare eta animalia espeziek dituzte beren izen zientifikoak bere omenez, eta beste batzuek Kewllog izena dute. Alaskako Alexander aintzirak ere badu bere izena.[2][4]
Annie M. Alexanderren izena duten espezieak aldatu
- Acrodus alexandre
- Alticamelus alexandre miozenoko gamelua
- Anniealexandria
- Aplodontia alexandrae Eustace Furlongek izendatua.
- Bouvardia alexanderae
- Eriogonum ochrocephaum var. alexandrae
- Hydrotherosaurus alexandre Samuel Paul Wellesek izendatua
- Ilingoceros alexandrae
- Lagopus alexandrae Grinnell-ek izendatua
- Lupinus alexandrae
- Mojavemys alexandrae
- Sitta carolinensis alexandrae Grinnell-ek izendatua
- Scaphiopus alexanderi
- Shastasaurus alexandre John C. Merriamek izendatutako iktiosauro triasikoa
- Swallenia alexandre Kaliforniako endemikoa den belar espezie arraroa
- Thalattosaurus alexandre John C. Merriamek izendatutako Triasiko berantiarreko itsas narrasti bat
- Thomomys alexandrae
- Ursus alexandre John C. Merriamek izendatutako Alaskako grizzly hartz azpiespezie bat.
- Lake Alexander, Alaska (1907ko Alaskako espedizioaren omenez izendatu zuten).[5]
Erreferentziak aldatu
- ↑ a b c Williams, Rianna M. (1994). «Annie Montague Alexander: Explorer, Naturalist, Philanthropist». Hawaiian Journal of History (Hawaii Historical Society) 28. zkia..
- ↑ a b (Ingelesez) Grinnell, Joseph. (1909). Birds and Mammals of the 1907 Alexander Expedition to Southeastern Alaska. The University Press (Noiz kontsultatua: 2023-12-31).
- ↑ «MVZ -- History -- About MVZ People» web.archive.org 2019-12-22 (Noiz kontsultatua: 2023-12-31).
- ↑ «Domestic Names | U.S. Geological Survey» www.usgs.gov (Noiz kontsultatua: 2023-12-31).
- ↑ (Ingelesez) Stein, Barbara R.. (2001-10-18). On Her Own Terms: Annie Montague Alexander and the Rise of Science in the American West. University of California Press ISBN 978-0-520-92638-7. (Noiz kontsultatua: 2023-12-31).
Kanpo estekak aldatu
- Annie Montague Alexander papers Kaliforniako Unibertsitateko Paleontologia Museoaren webgunea 1998ko abuztuan.
- Gay Bears: Annie Alexander eta Louise Kellogg
- Annie Montague Alexander: UCMPko onuraduna
- Annie Montague Alexander Museum of Vertebrate Zoology,
- Annie Montague Alexander, laguntzak aurkitzeko paperak. 1904-1949
Datuak: Q509742
Multimedia: Annie Montague Alexander / Q509742
