Alvin Toffler
Alvin Toffler (New York, AEB, 1928ko urriaren 4a - Los Angeles, 2016ko ekainaren 27a) estatubatuar soziologoa eta idazlea izan zen.
| Alvin Toffler | |
|---|---|
 | |
| Bizitza | |
| Jaiotza | New York, 1928ko urriaren 4a |
| Herrialdea |  Ameriketako Estatu Batuak |
| Heriotza | Los Angeles, 2016ko ekainaren 27a (87 urte) |
| Hobiratze lekua | Westwood Village Memorial Park Cemetery (en)  |
| Familia | |
| Ezkontidea(k) | Heidi Toffler (1950eko apirilaren 29a - |
| Hezkuntza | |
| Heziketa | New Yorkeko Unibertsitatea |
| Hizkuntzak | ingelesa |
| Jarduerak | |
| Jarduerak | futurist (en) , kazetaria, saiakeragilea, soziologoa eta idazlea |
| Enplegatzailea(k) | Cornell Unibertsitatea New School (en) |
| Jasotako sariak | |
| Kidetza | White House press corps Zientziak Aurrera Egiteko Elkarte Amerikarra |
| alvintoffler.net | |
    | |
Biografia aldatu
Kazetari gisa lan egiten hasi zen, Fortune, Horizon eta Life aldizkarietan. IBM multinazionalaren eta Rockefeller fundazioaren aholkulari izan da, eta eskolak eman ditu hainbat unibertsitate eta kultura-fundaziotan. Washingtonen berriemaile gisa lan egin eta doktoregoa lortu ondoren, etorkizuneko soziologiari buruzko eskolak eman zituen New School for Social Researchen. Haiek izan ziren futurologiaz emandako lehenengo eskolak eta ikasketak.
Tofflerek gertakizun sozialen azterketa dibulgazioaren bidez zabaldu eta sakondu beharraz hitz egiten zuen, eta "profeta sozialaren" ospea irabazi zuen horrela. Bere obren argitalpenak zirkulu akademikoetatik urrunarazi zuten, eta jendartera hurbildu, arrakasta handia izan baitzuten Future Shock (1970, "Etorkizuneko shocka") eta The Third Wave (1980, "Hirugarren uhina") lanek.
1960ko hamarraldiaz geroztik, bere emazte Heidi Tofflerren laguntza izan du liburuon idazketan, hura ere gizarte-aldaketen azterketan aditua baita, etorkizuneko mugimendu eta gertakizunen ikertzailea. Beste zenbait lan aipagarri: Previews & Premises (1983, WAurrerapenak eta premisakW); Powershift: Knowledge, Wealth and Violence at the Edge of the 21st Century (1990, WBoterearen aldaketaW), War and Anti-War (1993, WGerra eta antigerraW) eta Revolutionary Wealth (2006, WAberastasun iraultzaileaW).
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q297425
Multimedia: Alvin Toffler / Q297425
