Abner
Abner[1] (hebreeraz: אַבְנֵר, ʾAḇnēr, euskaraz: «bidezidorreko lanpara») Itun Zaharreko pertsonaia da, Erregeen I. Liburuan, baita Samuelen I. Liburuan (1 Sm 17:55-58, 1 Sm 20:25 eta 1 Sm 26:5-16) eta Samuelen II. Liburuan (2 Sm 2:8-31, 2 Sm 3:6-39 eta 2 Sm 4:1) ere agertzen dena. Bibliaren kontakizunak Benjamin tribuko Saulen senide zela dio, filistiarren aurkako kanpainetan jeneral eta Israelgo lehen erregearen konfiantzazko gizon izatera iristen dena. Berak eraman zuen David, Goliaten burua eskuan, Saulen aurrera.[2]
| Abner | |
|---|---|
 | |
| Argitalpena | |
| Ageri den obrak | |
| Datu biografikoak | |
| Sexua | gizonezkoa |
| Jarduera | ofizierra |
Abner Nerren semea izan zen, Abielen semea, Saulen lehengusua eta bere armadako kapitaina. Honen heriotzaren ondoren, Abner iparraldeko tribuak zuzendu zituen, Saulen seme Isbaal errege izendatuz, Daviden aurka. Saulen ohaide izandako Risparekin ezkontzean, Isbaalek konfiantza kentzen dio, eta orduan iparraldeko tribuak Daviden esku jarri ziren, baina, negoziazioak amaituta, Daviden jeneral Joabek hiltzen du.[3]
Abnerren hilobia Hebrongo Patriarken haitzuloaren inguruan dago.
Erreferentziak aldatu
- ↑ Euskaltzaindia. 177. araua: Antzinateko pertsona-izenak eta izen mitologikoak (III). Bibliako pertsona-izenak. .
- ↑ (Gaztelaniaz) MCNBiografias.com. Abner (s. XI a.C.). .
- ↑ Albizu, Jose Luis. (1985). Figuras bíblicas. Madril: Ediciones Rioduero ISBN 84-220-1212-X..
Kanpo estekak aldatu
|
Artikulu hau erlijioari buruzko zirriborroa da. Wikipedia lagun dezakezu edukia osatuz. |