2002ko Europako uholdeak
2002ko Europako uholdeak uraldi hondagarri batzuk izan ziren, 2002ko abuztuan gertatutakoak, erdialdeko Europako zenbait herrialde kaltetu zituztenak. Ez-ohiko euriteen ondorio izan ziren, eta 110 hildako eta 15.000 milioi euroko kalte materialak eragin zituzten Txekian, Austrian, Alemanian, Eslovakian, Polonian, Hungarian, Errumanian eta Kroazian.[1][2]
| 2002ko Europako uholdeak | ||
|---|---|---|
| ||
| Mota | uholde hondamen natural 100-year flood (en)  | |
| Denbora-tarte | 2002ko abuztuaren 5a - 2002ko irailaren 13a | |
| Data | 2002ko abuztua | |
| Kokaleku | Alemania Austria Txekia Polonia Eslovakia Hungaria Errumania Kroazia | |
| Pertsona hilak | 45 | |
Historia aldatu
2002ko abuztuan, Mediterraneoko haize epel eta hezea eraman zuten behe-presioko bi sistemek ez-ohiko euriteak eragin zituzten erdialdeko Europan. Horren ondorioz, Moldava, Elba eta Danubio ibaiek maila historikoak gainditu zituzten (500 urteko errepikatze-denbora).[2][3]
Txekian Moldava ibaiaren ur emaria segundoko 5.300 metro kubikokoa izatera iritsi zen abuztuaren 14an, % 20 handiagoa 1845eko uraldian baino.[2] Pragako Josefov auzotik bizilagunak ateratzeko agindu zuten udal agintariek, eta urak Mala Strana Erdi Aroko auzotegiko kaleak ere hartu zituen.[4] Hiriko metroa azkarki hondatua izan zen.
Alemaniak izan zituen kalterik handienak, Saxonia estatuak batez ere. Dresdenen Elba ibaia 9,4 metroko altuerara iritsi zen abuztuaren 17an, inoiz erregistratutako mailarik gorenera, eta hiriko 480.000 herritarren laurdenak atera behar izan zituzten beren etxeetatik. Ibaian beherago dagoen Bitterfeld hiria erabat hustu behar izan zuten, hondar zorroz eraikitako hesia urek lehertu ondoren, eta Magdeburgen 20.000 lagun atera zituzten.[1]
Danubio ibaiak ere igoera historikoa izan zuen arren, Bratislavak eta Vienak kalte txikiagoak izan zituzten.
Erreferentziak aldatu
- ↑ a b Urak Dresde Alemaniako hiri historikoa azpiratu du, Txekian eta Austrian atzera egin arren. Euskaldunon Egunkaria, 2002ko abuztuak 17, CC BY-SA 4.0, berria.eus (Noiz kontsultatua: 2020-9-23).
- ↑ a b c Central Europe Flooding, August 2002. Risk Management Solutions, forms2.rms.com (Noiz kontsultatua: 2020-9-23).
- ↑ Thousands flee Dresden floods. The Guardian egunkaria, 2002ko abuztuak 16, theguardian.com (Noiz kontsultatua: 2020-9-23).
- ↑ Azken 50 urteotan inoizko jende gehien mugiarazi dituzte oholdeek Europan. Euskaldunon Egunkaria, 2002ko abuztuak 15, CC BY-SA 4.0, berria.eus (Noiz kontsultatua: 2020-9-23).
Kanpo estekak aldatu
Datuak: Q86929
Multimedia: Flood in Central Europe (2002) / Q86929
