África Pedraza Molina
Afrika Pedraza Molina (Ceuta, 1925eko azaroaren 23a – Lucena, 2022ko uztailaren 17a) Espainiako akademikoa, idazlea eta kazetaria izan zen.
| África Pedraza Molina | |
|---|---|
 | |
| Bizitza | |
| Jaiotza | Ceuta, 1925eko azaroaren 23a |
| Herrialdea |  Espainia |
| Heriotza | Lucena (Kordoba), 2022ko uztailaren 17a (96 urte) |
| Jarduerak | |
| Jarduerak | idazlea |
Biografia aldatu
Ceutan jaio zen, baina Lucenan eta Kordoban bizi izan zen. Bere aita, kordobarra eta militarra, Ceutara joan zen eta horrek Pedraza hiri hartan jaiotzea ekarri zuen. Lau urte zituela hil zen haren ama, bizitza osorako markatu zuen gertaera. Aita Afrikatik penintsulara aldatu zenez, Espainiako hainbat hiritan bizi izan zen. Batxilergoan idazle izateko bokazioa garatzen hasi zen.[1]
Ibilbide literarioa aldatu
Africa Pedraza Molinak literatura-genero guztiak landu zituen, bereziki kontakizun laburra eta poesia. Bertako, Espainiako eta Hispanoamerikako prentsan kolaboratzaile izan zen.[1]
1965ean, Kordobako Zientzia, Letra Eder eta Arte Nobleen Errege Akademiako kide izan zen lehen emakumea eta zerrenda osoko seigarrena.[2] Kordobako Ateneoko kidea izan zen.[1]
Wallada literatura-elkarteko presidente izan zen 1987az geroztik, hogeita hamar urtez. Hasieran, elkartea emakumezkoa baino ez zen, baina eratu eta gutxira, Pedrazak taldea misto bihurtu zuen. Wallada aldizkariaren zuzendaritza mantendu zuen.[3]
Obra aldatu
- Epistolario Valeriano (1967)
- Erisana (1969)
- Anaquel de imágenes (1972)
- Crisol de amor (1991)
- A orillas del Guadalquivir (1994)
- Brisas de alma inquieta (1999)
Sariak eta aintzatespenak aldatu
- 1988an, Lucenako festetako Araceliko Ama Birjinaren lehen emakume pregoilaria izan zen.[4]
- 2019an, Lucenako Literatura Ondarearen Jardunaldiak eskaini zizkioten, generoaren ikuspegitik.[5]
- 2019an omenaldi-plaka bat jarri zen Lucena herriko bere etxean, El Peso kalean.[4]
- Kordobako Lucena udalerrian kale bat bere izenarekin dauka.[6]
Bizitza pertsonala aldatu
Pedro Álvarezekin ezkondu zen eta harekin bost seme-alaba izan zituen.[4]
Erreferentziak aldatu
- ↑ a b c «África Pedraza Molina - Ateneo de Córdoba» www.ateneodecordoba.com.
- ↑ Académicos Correspondientes en la provincia de Córdoba (por orden de antigüedad):. .
- ↑ «Asociación literaria Wallada - Ateneo de Córdoba» www.ateneodecordoba.com.
- ↑ a b c González, Manuel. (2022-07-17). «Muere la escritora y académica lucentina África Pedraza» Diario Córdoba.
- ↑ Fernández, Juan A.. (2019-05-24). «Unas jornadas reconocen a la escritora lucentina África Pedraza» Diario Córdoba.
- ↑ Callejero fiscal. Ayuntamiento de Lucena. .
Kanpo estekak aldatu
Datuak: Q123013867
